सुनचाँदीको मूल्य घट्यो ! कतिमा हुँदैछ कारोबार ?

HTV Khabar ४ मंगशिर २०८३, बिहीबार ०५:०६ मा प्रकाशित

काठमाडौं, नेपाली बजारमा विहीवार सुन र चाँदीको मूल्यमा गिरावट आएको छ। सुन ३ हजार ३०० र चाँदी ४५ रुपैयाँले घटेको हो।

नेपाल सुन-चाँदी व्यवसायी महासंघका अनुसार यसदिन सुन प्रतितोलाको २ लाख ५७ हजार ६०० कायम भएको छ। अघिल्लो दिन बुधबार एक तोला सुनको मूल्य २ लाख ६० हजार ९०० पुगेको थियो।

महासंघका अनुसार आज चाँदी तोलाको ३ हजार ३३५ रुपैयाँमा झरेको छ। बुधवार सोही परिमाणको चाँदी ३ हजार ३८० रुपैयाँमा खरिदबिक्री भएको थियो। तिहारपछि सुन-चाँदीको मूल्य निरन्तर गिरावट आएको हो।