- गृहपृष्ठ
- जनकपुरमा कारको ठक्करबाट मोटरसाइकल सवार सञ्चारकर्मी रोहिताको मृत्यु
जनकपुरमा कारको ठक्करबाट मोटरसाइकल सवार सञ्चारकर्मी रोहिताको मृत्यु
HTV Khabar
५ जेठ २०८१, शनिबार १०:१३ मा प्रकाशित
काठमाडौं, जनकपुरमा कारको ठक्करबाट मोटरसाइकलमा सवार पत्रकारको मृत्यु भएको छ। मृत्यु हुनेमा राजधानी जनकपुर अनलाइनमा कार्यरत ३२ वर्षीय शिवेन्द्र रोहिता छन्।
जिल्ला प्रहरी कार्यालय धनुषाका अनुसार आज बिहान ३ बजेतिर जनकपुरधामको थापाचोकमा बा२१च ३३४३ नम्बरको कारले रोहिता सवार प्रदेश२ज ५६९४ नम्बरको मोटरसाइकलमा ठक्कर दिंदा उनको घटनास्थलमै मृत्यु भएको हो।
मोटरसाइकलमा पछाडि बस्ने मृतक रोहिताका साथी २५ वर्षीय जयनाथ यादव घाइते भएका छन्। उनको जनकपुरको सीता अस्पतालमा उपचार भइरहेको छ।
मृतक पत्रकार रोहिता धनुषाको शहीदनगर नगरपालिका ८ का बासिन्दा हुन्।
