काठमाडौं,  नेपाल क्रिकेट संघ (क्यान)ले नेपाल प्रिमियर लिग (एनपीएल)को विजेताका लागि पुरस्कार घोषणा गरेको छ।

आयोजक क्यानले विज्ञप्ति जारी गर्दै मंगलवार पुरस्कारको घोषणा गरेको हो। विजेता टोलीले एक करोड १० लाख पुरस्कार पाउने भएको छ।उपविजेताले ५१ लाख र तेस्रो स्थानमा रहनेले २५ लाख पाउँदा चौथो हुनेले १५ लाख पुरस्कार पाउने छन्।

प्रतियोगिताकै उत्कृष्ट नेपाली खेलाडीलाई कार पुरस्कार दिने यसअघि नै क्यानले घोषणा गरिसकेको छ। एनपीएलमा बुधवारदेखि प्लेअफका खेलहरू सुरू हुँदे छन्। सुदूरपश्चिम रोयल्स, जनकपुर बोल्ट्स, चितवन राइनोज र कर्णाली याक्स शीर्ष चारमा रहँदै प्लेअफमा पुगिसकेका छन्।