बूढानीलकण्ठ, बूढानीलकण्ठ नगरपालिकामा देवी स्पोर्ट्स हाउसको आयोजना बूढानीलकण्ठ प्रथम भेट्रान कप-२०८१ हुने भएको छ।

बूढानीलकण्ठ नगरपालिका वडा नं.-३ को प्रयोजनमा अन्तर्राष्ट्रिय फ़ुट्सल नियमलाई अनुसरण गरि मङ्सिर २१ र २२ गते आयोजना हुने ५ ए साइड प्रतियोगिता देवी स्पोर्ट्स हाउस रुद्रेश्वर बुढानीलकण्ठमा सञ्चालन गरिनेछ।

बूढानीलकण्ठ नगरपालिकामा बसोबास गर्ने  ४० बर्ष उमेर पूरा गरेका खेलाडीहरुले सहभागीता जनाउने खेल रोमाञ्चक हुने आयोजकले बताएको छ। प्रतियोगितामा प्रथम र द्वितीय हुने समुहलाई क्रमश ३० हजार र १५ हजार नगद सहित मेडल र प्रमाण पत्र प्रदान गरिने पनि आयोजकले जानकारी दिएको छ।

बूढानीलकण्ठ नगरपालिका वडा नम्बर ३ का अध्यक्ष आकाश धितालले भेट्रान कपले युवा पुस्तामा नयाँ उर्जा प्रदान गर्ने र भेट्रानहरुले आफ्नो अनुभवलाई प्रस्तुत गर्ने अवसर प्राप्त हुने जसले नव युवाहरूलाई पनि खेलप्रति रुचि बढ्ने बताए। साथै वडा नम्बर ३ खेलकुदको विकासमा निरन्तर लागिरहने पनि धितालले प्रष्ट पारे।

उक्त प्रतियोगितामा सहभागी हुन दस्तुर रु ३,००० लाग्नेछ।