काठमाडौं, दार्चुलामा अटो रिक्सा दुर्घटना भएको छ। अटो खोलामा खस्दा बेपत्ता तीन जनामध्ये एक बालिकाको शव फेला परेको छ।
जिल्लाको नौगाड गाउँपालिका ५ सौकेबगरमा गोकुलेश्वरतर्फ गइरहेको म १ ख ११४८ नम्बरको अटो रिक्सा अनियन्त्रित भएर यात्रु बाहक अटोरिक्सा होपरी खोलामा खसेको थियो।
अटो रिक्सा खोलामा खसेपछि ३ जना बेपत्ता भएका थिए। तीन जनामध्ये बालिकाको शव भेटिएको हो। अन्य २ जना यात्रु खोलामा बेपत्ता रहेका छन्। उनीहरुको खोजी भइरहेको छ।
दुर्घटनामा अटो चालक नौगाड गाउँपालिका ६ का मनिराम भुल र उनका छोरा आयुस भुल घाइते भएका छन्। अटो रिक्सामा चालकसहित ५ जना सवार थिए।
