ताजा :
मेटा कम्पनीले ट्वीटर जस्तै विशेषता भएको ‘थ्रेड्स‘ नामको नयाँ एप सार्वजनिक गरेको छ। इन्स्टाग्रामको एक एपका रूपमा थ्रेड्स एप सार्वजनिक भएको हो।
‘थ्रेड्स’ एप बेलायतलगायत एक सयभन्दा बढी देशमा डाउनलोड गर्न सकिने तर युरोपेली संघका देशमा भने केही नियामक विषयका कारण अझै उपलब्ध नभएको जनाइएको छ।
छुट्टै एपका रूपमा उपलब्ध थ्रेड्समा इन्स्टाग्रामकै अकाउन्टबाट लगइन गर्न सकिने छ। इन्स्टाग्रामकै फोटो राख्न वा इस्टाग्राममा भएका फलोअर्सलाई एकैपटक फलो गर्न सकिन्छ।
मेटाका फेसबुक, हृवाट्सएप र इन्स्टाग्राम जस्ता सामाजिक सञ्जाल यसअघि नै विश्वभर प्रसिद्ध छन्।
यो थ्रेड्स एपलाई ट्विटरको प्रतिद्वन्द्वीका रूपमा हेरिएको छ। केही अन्तर्राष्ट्रिय सञ्चारमाध्यमले भने यो दुई अर्बपति एलन मस्क र मार्क जुकरबर्गबीचको युद्ध भएको टिप्पणी समेत गरेका छन्।
कम्पनीले यसलाई अरू मास्टडन, ब्लुस्कीलगायत सोसल मिडियाको प्रतिद्वन्द्वी समेत भनेको छ।
