ताजा :
युरोपेली च्याम्पियन्स लिग फुटबलमा आर्सनलले दोस्रो जित निकालेको छ। गएराति भएको समूह ‘बी’ को खेलमा घरेलु टोली सेभियालाई २–१ गोलले हराउँदै आर्सनल विजयी भएको हो।
आर्सनलका गाब्रियल मार्टिनेली र जेसुसले एक–एक गोल गरेका थिए। यस्तै सेभियाका नेमान्जा गुडेल्जीले एक गोल फर्काएका थिए।
यो जितसँगै समूह ‘बी’ मा तीन खेलबाट आर्सनल ६ अंकका साथ शीर्षस्थानमा छ। पराजित भएको सेभिया २ अंकसहित तेस्रो स्थानमा छ। पाँच अंक भएको लेन्स दोस्रो स्थानमा छ।
