काठमाडौं, प्रदेश १ को प्रदेश सभाको पहिलो बैठक आइतबार बस्दैछ।
४ मंसिरमा भएको संसदीय निर्वाचनबाट चयन भएका सांसदहरूले शपथग्रहण गरेसँगै पहिलो बैठक आज दिउँसो १ बजे बस्न लागेको हो।                                                                            पहिलो बैठकको अध्यक्षता ज्येष्ठ सांसद काङ्ग्रेसका ७९ वर्षीय गयानन्द मण्डल गनगाईले गर्नेछन्।
प्रदेशसभा सचिवालयका सचिव गोपालप्रसाद पराजुलीका अनुसार आजको बैठकमा प्रदेश प्रमुखबाट प्राप्त अधिवेशन आह्वानसम्बन्धी पत्र वाचन गर्ने कार्यसूची छ।
त्यस्तै, प्रदेशसभा नियमावली २०७४ (पहिलो संशोधनसमेत) लाई अंगीकार गरी बैठक सञ्चालन गर्न प्रस्ताव प्रस्तुत हुने उल्लेख छ।