काठमाडौं, नेकपा (एकीकृत समाजवादी)ले सरकारमा सहभागिताको विषयमा आज टुङ्गो लगाउने भएको छ।

पार्टी कार्यालय आलोकनगर मा बस्ने स्थायी समितिको बैठकले सरकारमा सहभागी हुने/नहुने वा प्रचण्ड नेतृत्वको सरकारलाई समर्थन गर्ने/नगर्ने भन्नेबारे निर्णय लिनेछ।                                        साथै बैठकमा निर्वाचनमा पार्टीले प्राप्त गरेको परिणामको समीक्षा, पछिल्लो पटक विकास भएको राजनीतिक घटनाक्रममा पार्टीले निर्वाह गर्ने भूमिका र आगामी दिनका लागि रणनीति तथा कार्ययोजना लगायतका विषयमा पनि छलफल हुने केन्द्रीय प्रचार विभाग प्रमुख जगन्नाथ खतिवडाले जानकारी दिएका छन्।

अध्यक्ष माधवकुमार नेपालले जनवर्गीय सङ्गठनका साथै प्रवासमा रहेका पार्टी निकट सङ्गठन, शुभेच्छुकसँग सुझाव लिइसकेका छन्।